ژمارەی کوژراوان لە کەرتی غەززە لە 41 هەزار کەس نزیک دەبێتەوە

ئاڤا نیوز

 

جەنگ لە كەرتی غەززە پێ دەنێتە 12ـەمین مانگ و ژمارەی كوژراوەكانیش بۆ نزیكەی 41 هەزار كەس بەرزدەبێتەوە. 

 

ئەوەی ئێستا ڕوودەدات: لە 24 كاتژمێری ڕابردوودا 42 كەس لە كەرتی غەززە گیانیان لە دەستداوە، بەمەش ژمارەی گیانلەدەستدان لە كەرتەكەدا گەیشتە 40 هەزار و 861 كەس و بریندارەكانیش 94 هەزار و 398 كەسی تێپەڕاند.

 

ئەمەش بزانە: پێكدادانەكان لە كەرتی غەززە و كەرتی ڕۆژئاوا لە نێوان ئیسرائیل و حەماسدا بەردەوامن و لە باشووری لوبنانیشەوە پەیتا پەیتا مووشەك ئاڕاستەی خاكی ئیسرائیل دەكرێت، سوپای ئیسرائیل مووشەكبارانی ناوچەكانی باشووری لوبنان دەكات.

 

لەلایەكی دیکەوە: چەندین شاندی نێوەندگیری ئەمریكی، بەریتانی، قەتەری، میسری سەرقاڵی گفتوگۆن بۆ كۆتایی هێنان بە شەڕ لە كەرتەكە و ئەنجامدانی دانوستان.