ئەنجوومەنی وەزیران: بەغدا بەپەلە تەواوكاریی مووچەی تەمووز و ئاب ڕەوانە بكات

کوردستان
2024-09-04

شەیری بکە لە:

ئەنجوومەنی وەزیران: بەغدا بەپەلە تەواوكاریی مووچەی تەمووز و ئاب ڕەوانە بكات

وێنەی کۆبوونەوەی ئەنجوومەنی وەزیران

ئاڤا نیوز

ئەنجوومەنی وەزیرانی هەرێمی كوردستان كۆبووەوە، تاووتوێی چەند تەوەرێكی كرد و داوا دەكات بەغدا بە زووترین كات تەواوكاری مووچەی مانگەكانی تەمووز و ئاب ڕەوانە بكات.

وێنە گەورەکە: ئەمڕۆ چوارشەممە چواری ئەیلوولی 2024، بە سەرپەرشتی سەرۆكوەزیران بارزانی و ئامادەبوونی قوباد تاڵەبانی جێگری سەرۆكوەزیران، ئەنجوومەنی وەزیرانی هەرێمی كوردستان كۆبووەوە.

ڕاگەیێنراوی فەرمی: لە كۆبوونەوەكەدا ڕەشنووسی بڕیاری ئەنجوومەنی وەزیران تایبەت بە یەکخستنی ڕێکكارەکانی تایبەت بە سیستەمی دارایی و ژمێریاریی لە نێوان هەردوو حکومەتی هەرێمی كوردستان و فیدراڵ بە ڕەچاوکردنی تایبەتمەندیی دەسەڵات و مافە دەستوورییەکانی هەرێمی کوردستان پەسەند كرا.

زانیاریی زیاتر: ئەنجوومەنی وەزیران بڕیاری دا بەهانە و بیانووی تەکنیکی بۆ وەزارەتی دارایی عێراق نەمێنێت بۆ دواخستنی خەرجکردنی مووچەی فەرمانبەرانی هەرێمی كوردستان، بڕی ئەو پارانەش خرانەڕوو کە وەزارەتی دارایی عێراق بۆ مووچەی هەردوو مانگی تەممووز و ئاب خەرجی کردووە.

لە لایەكی دیكەوە: ئەنجوومەنی وەزیران وەزارەتەکانی ڕاسپارد بەردەوام بن لە هەماهەنگی لەگەڵ حکومەتی فیدڕاڵ و تەواوکردنی تۆماری بایۆمەتریی و پێدانی ژمارەی وەزیفی بە هەموو مووچەخۆران و پەلەکردن لە چالاککردنی بە ئەلیکترۆنیکردنی سیستەمی پێدانی مووچە.

ئەوەی پێویستە بیزانیت: بە كۆی دەنگ ڕاگەیێنرا پێویستە لە سەر وەزارەتی دارایی فیدراڵ تەواوکاریی مووچەی مانگی تەمموز و ئابی 2024 بە پەلە ڕەوانە بکەن، تاوەکو حکومەتی هەرێمی كوردستان بتوانێت لە نزیکترین دەرفەتدا مووچەی مانگی ئابی مووچەخۆرانی هەرێمی كوردستان خەرج بکات.