لە ئەمریکا بەهۆی دەستدڕێژی گولـلە چوار قوتابی کوژران

ئاڤا نیوز

 

لە ڕووداوێکی تەقەکردن لە قوتابخانەیەکی ئامادەیی لە ویلایەتی جۆرجیا لە ئەمریکا، چوارکەس کوژران و نۆ کەسی دیکە بریندار بوون.

 

ڕاگەیێنراوی فەرمی: دەسەڵاتدارانی ویلایەتی جۆرجیا ڕایانگەیاند، بەهۆی سەختی برینەکەیانەوە چوار کەس لە شوێنی ڕووداوەکە گیانیان لەدەست داوە و نۆ کەسی دیکەش گواستراونەتەوە بۆ چەند نەخۆشخانەیەک.

 

کاردانەوەکان: جۆ بایدن، سەرۆکی ئەمریکا ڕاستەوخۆ دوای ڕووداوەکە گوتی: نابێت ئەمریکا لەمە زیاتر ئەم جۆرە ڕووداوانە بە ئاسایی قبووڵ بکات.

 

ئەمەش بزانە: بایدن پێیوایە، ئەم ڕووداوە لەبڕێی دڵخۆشی گەڕانەوەی قوتابیان بۆ وەرزێکی نوێی خوێندن، بیرخستنەوەیەکی ترسناکی تووندوتیژی بۆ قوتابیان دروست دەکات.