ڕاپۆرتێكی ئەمریکی: ڕەیان كلدانی لە ئاوارەکردنی مەسیحییە ڕەسەنەکان تێوەگلاوە

 ئاڤا نیوز

بەگوێرەی ڕاپۆرتێكی ئەمریکی، ڕەییان كلدانی تاوانبارە بە ئاوارەکردنی مەسیحییە ڕەسەنەکانی دەشتی نەینەوا و بەرپرسەكانی.

وێنە گەورەكە: ڕەیان کلدانی بەهۆی پێشێلکردنی مافەکانی مرۆڤ و  تێوەگلان  لە گەندەڵی لە ساڵی 2019 ــەوە لە لیستی سزادراوانی ئەمریکایە.

ڕاگه‌یێنراوی فه‌رمی: ڕادیۆی دەنگی ئەمریکا ئاشكرایكرد: ڕەیان كلدانی سەرۆکی میلیشیای بابیلوون ڕاستەوخۆ پەیوەندی بە ئێرانەوە هەیە ، بەردەوام هەوڵی گوڕینی دیموگرافیای ناوچەی دەشتی نەینەوا دەدات.

زانیاریی زیاتر: ڕاپۆرتەكە ئەوەشی خستووەتەڕوو: كلدانی بۆ ڕازیکردنی خەزعەلی و چەند لایەنێكی دیكەی نزیك لە ئێران، دەستی کردووە بە دوورخستنەوەی ئەو بەرپرسە مەسیحییانەی لەگەڵ دیدگای میلیشیاكەی و عەسائیب و  ئێران هاوڕانین.

باكگراوند:ڕەیان كلدانی لە ساڵی 2014 لەچوارچێوەی هێزەكانی "حەشدی شەعبی" میلیشیای بابیلوونی بە پاساوی بەرگریکردن لە گوند و شارۆچکە مەسیحییەکانی نەینەوا لە دەستی داعش دامەزراند.