ڕاوێژکارێکی مستەفا کازمی بە حەوت ساڵ زیندانی سزا دەدرێت

ئاڤا نیوز

 

دادگا سزای بۆ ڕاوێژکارێکی مستەفا کازمی، سەرۆکوەزیرانی پێشووی عێراق دەکرد، لەسەر سکاڵای پەرلەمانتارێکی عێراق کە تۆمەتباری کردووە بە سووکایەتیکردن بە هاووڵاتیان و مەرجەعیەت و خێڵەکان.

 

وێنەو گەورەکە: دوای زیاتر لە دوو ساڵ، دادگای تاوانەکانی کەرخ لە بەغدا سکاڵایەکی لەبارەی ڕاوێژکارێکی مستەفا کازمی یەکلاکردەوە و بڕیاری دا حەوت ساڵ زیندانی بکرێت. 

 

نووسراوی فەرمی: بەگوێرەی نووسراوێکی ئەنجوومەنی باڵای دادوەریی عێراق کە 29 -8- 2024 دەرکراوە و ئەمڕۆ 5-9-2024 بڵاوکراوەتەوە، سزای زیندانیکردن بۆ ماوەی حەوت ساڵ بۆ موهەنەد نەعیم، ڕاوێژکاریی سەرۆکوەزیرانی پێشووی عێراق دەرچووە.

 

هۆکارە زانراوەکان: لە مانگی ئایاری ساڵی 2022 فالح خەزعەلی، پەرلەمانتاری عێراق سکاڵای لەسەر موهەندە نەعیم تۆمار کرد و تۆمەتباری کرد بە "بچووککردنەوە و سووککردنی پێگەی خەڵکی ناوەڕست و باشووری عێراق" لە یەکێک لە وتارەکانی بە ناونیشانی "بە هەرێمکردنی عێراق".

 

زانیاریی زیاتر: لە هەمان ماوەدا پێنج هاووڵاتی لە پارێزگای بەسرە سکاڵایان لەسەر موهەندە نەعیم تۆمارکرد، کە ئەوکات ڕاوێژکاری ئاسایشی نیشتمانی عێراق بوو، ئەوان تۆمەتباریان کرد بە بەکارهێنانی زاراوەی تائیفی و دابەشکاری بەرامبەر خەڵکی هەموو پارێزگاکانی عێراق و، وا گوزارشتیان لێکرد بە قسە و دەربڕینی ناشرین زیانی بە مەزارگە پیرۆزەکان و خێڵەکان گەیاندووە.