لە سنووری پردێ جووتیارێکی کورد دەڕفێندرێت

ئاڤا نیوز 

 

درەنگانی شەوی ڕابردوو جووتیارێکی کوردی ناحیەی پردێ لە کەرکووک دەڕفێندرێت و گوومانەکانیش لەسەر داعشن. 

 

وێنە گەورەکە: جووتیاریکی کورد بە ناوی ڕابەر حوسێن جەوهەر کە تەمەنی 31 ساڵە، لەکاتی کارکردن لەسەر زەوییە کشتوکاڵییەکەی، لەلایەن چەند چەکدارێکی نەناسراوەوە لە گوندی کتکەی سنووری ناحیەی پردێ دەڕفێنرێت.

 

لێدوانی فەرمی: کەسوکاری ڕابەر بە ئاڤا نیوزیان ڕاگەیاند، هۆکاری ڕفاندنی کوڕە  گەنجەکەیان نازانن و گەڕان بە دوایدا بەردەوامە. 

 

باگراوند: کتکە گوندێکی سنووری پردێیە لە پارێزگای کەرکووک و تەواوی دانیشتووانەکەی کوردن، لە ماوەی ڕابردووشدا چەند جموجۆڵێکی چەکداریی داعش لەو ناوچانە بەدیکراون.