ئێران: ئیسرائیلمان لە عێراق و یەمەن و لوبنان گەمارۆداوە

ئاڤا نیوز

فەرماندەی سوپای پاسدارانی ئێران، هەڵوێستی نوێی وڵاتەکەی سەبارەت بە تۆڵەکردنەوە لە ئیسرائیل ڕاگەیاند و گوتی: ئیسرائیل گەمارۆدراوە.

لێدوانی فەرمی: حوسێن سەلامی، فەرماندەی سوپای پاسدارانی ئێران، سووربوونی وڵاتەکەی لەسەر تۆڵەسەندنەوەی کوژرانی ئیسماعیل هەنییە، سەرۆکی مەکتەبی سیاسیی حەماس لە تاران ڕایگەیاند و گوتی: "کابووسی وەڵامدانەوەی ئێران شەو و ڕۆژ دووژمنی ترساندووە. دووژمن تامی تۆڵەی ئێرانی دەچێژێت و لەوە تێدەگات کە ناتوانێت یاری بە هێڵە سوورەکانمان بکات."

سەلامی جەختی کردەوە ئیسرائیل لە عێراق، یەمەن و لوبنانەوە گەمارۆدراوە و کابووسی وەڵامدانەوەیان وایکردووە شەو و ڕۆژ چاودێری بکات.
 

وێنە گەورەکە: دواکەوتنی تۆڵەسەندنەوەی کوژرانی ئیسماعیل هەنیە لەلایەن ئێرانەوە لە ئیسرائیل، گومانی لەسەر جددیەتی ئێران بۆ ئەنجامدانی هێرش لە دژی ئیسرائیل دروست کردووە، سەرەڕای ئەوەش ئێران لە هەڕەشەکانی بەردەوامە.