ڕێگەی هەولێر - گۆمەسپان دەکرێتە دووساید

ئاڤا نیوز

جێگری پارێزگاری هەولێر ئاشکرای دەکات، ڕێگای هەولێر-گۆمەسپان دەکرێتە جوتساید.

 

وێنە گەورەکە: یەکێک لە کارە هەرە لە پێشینەکانی کابینەی نۆیەمی حکومەتی هەرێمی کوردستان، لە سەرجەم ناوچەکان کە گرنگی تایبەتی پێداوە دروستکردنی شەقام و ڕێگاوبانە.

 

لێدوانی فەرمی: مەسعود کاڕەش، جێگری پارێزگاری هەولێر بە ئاڤا نیوزی ڕاگەیاند: پرۆژەی شەقامی جوتسایدی هەولێر - بەنداوی گۆمەسپان جێبەجێ دەکرێت، ئێستا لە قۆناغی دیزاینکردندایە و دواتر دەچێتە بواری جێبەجێکردنەوە.

 

زانیاریی زیاتر: پرۆژەکە لەلایەن پارێزگای هەولێر و وەزارەتی ئاوەدانکردنەوە ئامادەکاریی بۆ دەکرێت، تاوەکو تێچووی تەواوکردنی پڕۆژەکە دیاریبکەن و بیخەنە چوارچێوەی کارە لە پێشینەکان.

 

ئەمەش بزانە: لەئێستادا کار بۆ ئەوە دەکرێت هەرچی زووە پڕۆژەکە بچێتە بوار جێبەجێکردنەوە، ئەگەر گرفتی دارایی دروست نەبێت ئەمساڵ دەچێتە بواری جێبەجێکردنەوە.