پارێزگاری هەولێر بانگهێشتی سەرۆکی بۆردی دەستەخوشکی هەولێر و ناشفێل دەکات

ئاڤا نیوز
 
پارێزگاری هەولێر، بە بۆنەی ساڵیادی دەستەخوشکی هەولێر و ناشفێل لەڕێگەی ڤیدیۆ کۆنفراسەوە لەگەڵ ئۆکۆنێڵ مایەری ناشفێل سەرۆکی بۆرد و ئەندامانی بۆردی دەستەخوشکی هەردوولا کۆبوونەوە.

 

وێنە گەورەکە: ساڵی ڕابردوو لە 9-9-2023 پارێزگاری هەولێر و جۆن کووپەر، لە شارى ناشفێل بە ئامادەبوونی نوێنەرى حکومەتى هەرێم لە ئەمریکا و کۆمەڵێک کەسایەتی دیکەى سیاسی ڕێککەوتنامەى دەستەخوشکی هەولێر و ناشفێل واژۆ کرا.

 

لێدوانی فەرمی: ئومێد خۆشناو پارێزگای هەولێر بە ئاڤا نیوزی ڕاگەیاند: "ئەمڕۆ 9-9-2024 بەبۆنەى ساڵیادى ڕێککەوتنەکە لەڕێگەی ڤیدیۆ کۆنفرانسەوە لەگەڵ ئۆکۆنێڵ، مایەرى ناشفێل و پاتیسى کوترێل، سەرۆکى بۆردى دەستەخوشک و ئەندامانی دیکەى بۆردى دەستەخۆشکى هەردوولا کۆبووینەوە".

 

ئەوەی پێویستە بیزانیت: پارێزگاری هەولێر  گوتیشی، لە کۆبوونەوەکەدا تیشک خراوەتە سەر گرنگى واژۆ کردنى ڕێککەوتننامەکە و ئامانج لێى بەرەوپێشبردن و پەرەپێدانی پەیوەندییەکانی نێوان ویلایەتە یەکگرتووەکانى ئەمریکا و هەرێمی کوردستانە لە بوارەکانى (کولتوورى، فەرهەنگى، ئابوورى، گەشتیارى، بازرگانى و وەبەرهێنان).