بۆ یەکەمجار لە هەولێر قورئان وەردەگێڕدرێتە سەر زمانی ئاماژە

ئاڤا نیوز 

 

قورئانی پیرۆز بۆ یەکەمجار بە زمانی ئاماژە بۆ نابیستان لە سێ بەرگدا ئامادە دەکرێت و لە قۆناغی یەکەمدا هەزار دانەی لێ چاپکراوە.

 

وێنە گەورەکە: ئەمڕۆ لە هەولێر ڕێوڕسمێک بۆ ڕاگەیاندنی قورئانی پیرۆز بە زمانی ئاماژە بۆ نابیستان سازکرا، کە ئەمە یەکەمجارە کارێکی لەم شێوەیە لە تەواوی جیهاندا بکرێت.

 

زانیاریی زیاتر: مامۆستا عیزەدین حامد مستەفای تەمەن 46 ساڵان، دەرچووی بەشی زانستە ئیسلامییەکانی زانکۆی سەڵاحەدینە و هەر سی بەشەکەی قورئانی لە سێ بەرگدا کۆ کردووەتەوە، لە قۆناغی یەکەمدا هەزار دانەی لێ چاپکردووە.

 

ئەمەش بزانە: بەکارهێنانی ئاماژە ئامرازی تێگەیاندنی نابیستانە و دەتوانن لە ڕێگەیەوە گفتوگۆ لەگەڵ بەرامبەریان بکەن، وەرگێڕانی قورئانیش بۆسەر زمانی ئاماژە دڵخۆشی نابیستانی بەدوای خۆیدا هێناوە.