لە هۆڵەندا ڕێکلام کردن بۆ بەرهەمێک قەدەغە دەکرێت

ئاڤا نیوز

بۆ ڕێگریکردن لە پیسبوونی ژینگە، لە هۆڵەندا ڕێکلام کردن بۆ ئەو بەرهەمانەی بە سووتەمەنی فۆسیل بەرهەمدەهێنرێن قەدەغە دەکات. 

 

چیرۆکی سەرەکی:  بەکارهێنانی سووتەمەنیی فۆسیلی وەک خەڵووز و گاز دەبێتە هۆی پیسبوونی هەوا لە سەرانسەری جیهاندا، هۆکارە بۆ گیانلەدەستدانی یەک لەسەر پێنجی دانیشتوانی زەوی.

 

ڕاگەیێنراوی فەرمی: شارەوانی شاری لاهای لە هۆڵەندا ڕایگەیاند، هەر جۆرە ڕێکلامێکی گشتی و تایبەت لە بیلبۆرد و پاسەکانی گواستنەوە بۆ سووتەمەنییەکانی وەک بەنزین، گازوایل، فڕۆکە و کەشتیی گەشتیاریی لە شەقامەکانی ئەم شارە قەدەغە دەکرێت.

 

ئەوەش بزانە: لاهای دەبێتە یەکەمین شاری جیهان کە ڕێکلامکردن بۆ سووتەمەنییە فۆسیلییەکان قەدەغە دەکات و یاساکەش لە سەرەتای ساڵی داهاتووەوە دەچێتە بواری جێبەجێکردن.  

 

باکگراوند: بڕیاری شارەوانیی لاهای دوای ئەوە بانگەوازێکی ئەنتۆنیۆ گوتێرێز، سکرتێری گشتیی نەتەوە یەکگرتووەکان هات کە داوای کردبوو ڕێکلامی لەو جۆرە قەدەغە بکرێت.