سەرۆکوەزیران مەسرور بارزانی خەڵاتی ڕێزلێنان بە مامۆستایانی ئایینی دەبەخشێت

ئاڤا نیوز

 

لە هۆڵی سەعد عەبدوڵڵا لە هەولێر یادی مەولوود کرایەوە، سەرۆکوەزیران مەسرور بارزانی لە میانەی بەشداریکردنی لە رێورەسمەکە خەڵاتی ڕێزلێنانی بە ژمارەیەک مامۆستا و کەسایەتیی ئاینی بەخشی. 

 

وێنە گەورەکە: ئەمڕۆ یەکشەممە 15-09-2024 بە بەشداری سەرۆکوەزیران مەسرور بارزانی لە هۆڵی سەعد عەبدوڵڵا ڕێوڕەسمێکی تایبەت لە یادی لەدایکبوونی پێغەمبەری ئیسلام محەممەد (د.خ) بەڕێوەچوو و ژمارەیەک کەسایەتی ئاینیش ڕێزلێنانیان پێدرا.

 

لێدوانی فەرمی: د. پشتیوان سادق، وەزیری ئەوقاف ڕایگەیاند، سەرۆکوەزیران مەسرور بارزانی خەڵاتی ڕێزلێنانی بەخشییە چەندین کەسایەتیی دیار و ئاینی شاری هەولێر.

 

ئەوەشی خستەڕوو کابینەی نۆیەمی حکومەتی هەرێمی کوردستان جەختی لە پاراستنی پرەسنیپە ئاینییەکان کردووەتەوە، پێکەوەژیانی نێوان ئایینەکان وەک شانازییەکی گەورەی گەلەکەمان سەیر دەکرێت.

 

بۆچی گرنگە: مامۆستایانی ئاینی ڕۆڵێکی گرنگیان هەیە لە پاراستنی شیرازەی خێزان و بەها کۆمەڵایەتییەکان. ڕێزگرتن لە ئەرک و ماندووبوونیان سەلمێنەری ئەوەیە کە حکومەتی هەرێمی کوردستان بە گرنگییەوە لەو پرسە دەڕوانێت و پشتگیریان لێ دەکات.