ئەلحەسسان: ئەگەر کوردیم بزانیبا لەم کۆڕبەندە بە زمانی شیرینی کوردی قسەم دەکرد

ئاڤا نیوز

نوێنەری تایبەتی نەتەوەیەکگرتووەکان لە عێاق ئاشکرای کرد،  تا ئێستا هەزاران ئاوارەی ئێزدی لە کەمپەکان دەژین و پێویستە بگەڕێنرێنەوە زێدی خۆیان.

چیرۆکی سەرەکی: بە ئامادەبوونی سەرۆک بارزانی و یەرۆکوەزیران مەسروور بارزانی و 150 سەرکردەی، ناوەخۆیی، هەرێمی و نێودەوڵەتی لە 25 وڵاتی جیاواز،: پێشنیوەڕۆی ئەمڕۆ سێشەممە 18-11-2025، شەشەمین کۆڕبەندی ئاشتی و ئاسایشی ڕۆژهەڵاتی ناوەڕاست، لە زانکۆی ئەمریکی دهۆک دەستیپێکرد.

لێدوانی فەرمی:  محەممەد ئەلحەسسان، نوێنەری تایبەتی نەتەوەیەکگرتووەکان لە عێراق لە کۆڕبەندی مێپس 2025 ڕایگەیاند: ئەگەر کوردیم بزانیبا لەم کۆڕبەندە بە زمانی شیرینی کوردی قسەم دەکرد.

زانیاریی زیاتر:  ئەلحەسسان ئاماژەی بەوەکرد، تا ئێستا هەزاران ئاوارەی ئێزدی لە کەمپەکان دەژین و پێویستە بگەڕێننرێنەوە زێدی خۆیان، هاوکات نەتەوەیەکگرتووەکان ئامادەیە هاوکار بێ بۆ گرنگیدانی وڵاتان بە پێشکەوتنە تەکنەلۆژییەکان.


ئەمەش بزانە: لە بەشێکی دیکەی قسەکانیدا گوتی: ناتوانرێت جارێکی دیکە ڕۆژهەڵاتی ناوەڕاست دابڕێژرێتەوە چونکە ماندووبووە بەدەست شەڕەوە.