کچێکی ئازاد جوندیانی بەهۆی هەڵەی پزیشکییەوە گیانی لەدەست دا

ئاڤا نیوز

 

کچێکی ئازاد جوندیانی، کەسایەتی سیاسیی هەرێمی کوردستان بەهۆی هەڵەی پزیشکییەوە گیانلەدەستدەدات، وەزارەتی تەندروستیی حکومەتی هەریمی کوردستانیش لیژنەیەک لەسەر نەخۆشخانە و پزیشکەکان پێکدەهێنێت.

 

لێدوانی فەرمی: هەڵگورد جوندیانی، برای ئازاد جوندیانی بە ئاڤا نیوزی ڕاگەیاند، بەهۆی هەڵەیەکی پزیشکییەوە، ئەڵند کچی ئازادی برا گەورەمان، لە نەخۆشخانەیەکی ئەهلی هەولێر ژەهراوی دەبێت، دوای چەند ڕۆژێک گیانلەدەستدەدات.

 

زانیاریی زیاتر: هەڵگورد جوندیانی ئاماژەی بەوەشکرد: دوای ئەوەی ئەڵند ئازاد جوندیانی لە کاتی ئەنجامدانی نەشتەرگەریدا ژەهراوی دەبێت، كێشە لە گورچیلەکانی دروست دەبن، هاوکات ئۆکسجینی تەواو بە مێشکی ناگات و بەپەلە دەبرێتە تورکیا.

 

ئەمەش بزانە: ئەڵند دوای تێکچوونی دۆخی تەندروستی بەپەلە دەگوازرێتەوە نەخۆشخانەیەکی ئەنقەرە لە تورکیا، دوای هەوڵێکی زۆری پزیشکەکان، بەڵام گیانی لەدەستدا. ئەڵند ئازاد جوندیانی تەمەنی 33 ساڵ بووە،  بڕیارە ئەمڕۆ تەرمەکەی بگەڕێنرێتەوە هەولێر.