لە چین فێستیڤاڵی ناوەڕاستی پاییز بەڕێوەدەچێت

ئاڤا نیوز

 

فێستیڤاڵی ناوەڕاستی پاییز ئاهەنگێکی کولتووریی چینیە لە ڕۆژی 17-9-2024 لەو وڵاتە بەڕێوەدەچێت.

 

وێنە گەورەکە: وەک زۆرێک لە ئاهەنگە کولتوورییەکان فێستیڤاڵی ناوەڕاستی پاییز ڕێوڕەسمێکی بەناوبانگە لە وڵاتی چین، بە دووەم گرنگترین فێستیڤاڵی چینی دادەنرێت لە دوای ساڵی نوێی چینیەوە. 

 

بۆچی گرنگە: لە ئەدەبیاتی چینیدا مانگ لای ئەوان سەرچاوەیەکی گرنگ و کاریگەرە، هەر بۆیە گەورەترین هێمای فێستیڤاڵەکەیە و لای ئەوان هەستی خۆشەویستی و یادکردن زیاد دەکات، بۆیە لە  فێستیڤاڵی ناوەڕاستی پاییزدا خەڵک  شانبەشانی یەکتر بە خێزانی کۆدەبنەوە بۆ ئەوەی بەهای خۆشەویستیان لای یەکتری زیاد بکەن.

 

ئەمەش بزانە: زۆرێک لە وڵاتانی جیهانیش ئاهەنگ بۆ ئەم مەبەستە دەگێڕن :- ئەمریکا، سەنگافورە و مالیزیا. 

 

لە لایەکی دیکەوە: یەکێک لە دیارترین سیما ناسراوەکانی فێستیڤاڵی ناوەڕاستی پایز بریتییە لە:-  کێکی مانگ، لە زۆربەی ناوچەکانی چین ئەو کێکە پارچە پارچە دەکرێت و لە نێوان خێزان و هاوڕێکاندا دابەش دەکرێت.