سەرۆکوەزیران بارزانی: کێشەی ئاو و کارەبا چارەسەر دەکەین

ئاڤا نیوز

 

سەرۆکوەزیران مەسرور بارزانی لەمیانی دانانی بەردی بناغەی ئاوی قوشتەپە ڕایگەیاند، کێشەی ئاو و کارەبا لە شاری هەولێر و سەرجەم هەرێمی کوردستان چارەسەر دەکەین.

 

چیرۆکی سەرەکی: سەرۆکوەزیران مەسرور بارزانی، دوای سایلۆی قوشتەپە، بەردی بناغەی دووەم پڕۆژەی گەورەی لە قوشتەپە دانا، کە بە گوژمەی 189 ملیار و 670 ملیۆن دینار جێبەجێ دەکرێت.

 

خاڵی ئەرێنی: پڕۆژەی ئاوی قوشتەپە لە یەک ڕۆژدا توانای بەرهەمهێنانی  72 هەزار مەتر سێجا ئاوی هەیە و دەبێتە هۆی چارەسەرکردنی کێشەی کەمئاوی ناوچەکە، لەلایەکی دیکە کشتوکاڵ، سامانی ئاژەڵ و پیشەسازی دەبووژێنێتەوە.

 

لێدوانی فەرمی: سەرۆکوەزیران مەسرور بارزانی لە مەراسیمەکەدا گوتارێکی پێشکەش کرد و ڕایگەیاند: "چارەسەری گونجاو بۆ کێشەی کارەبا دەدۆزینەوە و وادەکەین کێشەی ئاو و کارەبا لە هەرێمی کوردستان بەتەواوەتی چارەسەر بکەین."