باڵیۆزی ئێران لە هێرشە ئەلیکترۆنییەکەی ئیسرائیل بریندار دەبێت

ئاڤا نیوز

 

میدیای ئێران ڕایگەیاند، بەهۆی هێرشە ئەلیکترۆنییەکەی سەر لوبنان کە چەکدارانی حیزبوڵڵای کردووەتە ئامانج، باڵیۆزی ئێران لە بەیرووت بریندار بووە. 

 

چیرۆکی سەرەکی: دوا نیوەڕۆی ئەمڕۆ، میدیای لوبنان ڕایگەیاند هێرشێکی ئەلیکترۆنی کراوەتە  سەر ئەندامانی حیزبوڵڵا لە بەیرووت. هێرشەکە کراوەتە سەر ئامێرەکانی بێتەل کە لەلایەن ئەندامانی گرووپەکە بەکاردەهێنرێن، هاککراون و بەو هۆیەوە تەقیونەتەوە.

 

ڕاگەیێنراوی فەرمی: میدیای فەرمی ئێران ڕایگەند، لە هێرشە ئەلیکترۆنییەکەی سەر لوبنان، موجتەنبی ئەمانی، باڵیۆزی تاران لە بەیرووت بریندار بووە. 

 

ئەوەش بزانە: چەکدارانی حیزبوڵڵا ئامێری بێتەل لە نێوخۆیان بەکار دەهێنێن بۆ ئەوەی لەلایەن ئیسرائیلەوە سیخوڕییان بەسەر نەکرێت.