سەرۆک بارزانی پێشوازی لە كونسوڵی گشتیی ڕووسیا لە هەولێر دەكات

ئاڤا نیوز

 

ئەمڕۆ سەرۆک بارزانی لە پیرمام پێشوازی لە ماكسیم ڕۆبین، كونسوڵی گشتیی ڕووسیا لە شاری هەولێر كرد، لە دیدارەکەدا چەند تەوەرێکی گرنگی پەیوەندیدار بە هەرێمی کوردستان تاوتوێ کران.

 

ڕاگەیێندراوی فەرمی: بارەگای بارزانی ڕایگەیاند: لە دیدارەكەدا بارودۆخی سیاسی و دوا پێشهاتەكانی ناوچەكە خرایە بەرباس و گفتوگۆ، هاوکات ڕۆشنایی خرایە سەر هەڵبژاردنی پەرلەمانی كوردستان کە بڕیارە 10/20 بەڕێوەبچێت.

 

لەلایەکی دیکەوە: پەیوەندییەكانی نێوان حكومەتی هەرێمی كوردستان و حكومەتی عێراقی فیدڕاڵ و دەرئەنجامە ئەرێنییەکانی دوایین سەردانی سەرۆك بارزانی بۆ بەغدا تەوەرێکی دیکەی دیدارەکە بوون.

 

قوڵتر: هەر لەو دیدارەدا ئاماژە بە پەیوەندیی مێژوویی و دۆستایەتیی دێرینی نێوان گەلی كوردستان و گەلی ڕووسیا و وێستگە گرنگەكانی ئەو پەیوەندی و دۆستایەتییە درا، كۆنسوڵی گشتیی ڕووسیا لە هەولێر ئەوەی دووپاتكردەوە دۆستایەتی و پەیوەندییەكانی نێوان هەردوولا لە هەموو جۆرە بارودۆخێكدا بەردەوام دەبن و دەمێننەوە.