سەرەڕای ناڕەزایەتییەکان حکومەتی فەرەنسا پێکدەهێنرێت

ئاڤا نیوز

 

دوای چەند مانگێک لە پەککەوتنی سیاسی بۆ پێکهێنانی حکومەتی فەرەنسا، بڕیارە تا یەکشەممە حکومەتی نوێی فەرەنسا پێکبهێنرێت.

 

وێنە گەورەکە: بەهۆی ناڕەزایەتییەکانی بەشێک لە چەپەکان و ئیدانەکردنی ئاراستە سیاسییەکانی حکومەتی داهاتوو، ئاستەنگ لەبەردەم پێکهێنانی حکومەتی  نوێی فەرەنسا دروست بوو، تاکو ئێستا کابینەی نوێ پێکنەهێنراوە.

 

ڕاگەیێنراوی فەرمی: میشێل بارنیەر، سەرۆکوەزیرانی نوێی فەرەنسا، هیوادەخوازێت "تا ڕۆژی یەکشەممە" پێکهێنانی حکومەتەکەی ڕابگەیەنێت.

 

زانیاریی زیاتر: بۆ پێکهێنای حکومەتی نوێ، جگە لە وەزیری بەرگری، گۆڕانکاری لە زۆرینەی پۆستەکان دەکرێ، لەوانە وەزیری "دەرەوە، ئابووری و ناوخۆ".

 

ئەوەی پێویستە بیزانیت: دوای ئەوەی کە پڕۆسەی هەڵبژاردنی پێشوەختەی پەرلەمانی فەرەنسا لە مانگی 8ـی ڕابردوو بەڕێوەچوو، ئیمانوێل ماکرۆن، سەرۆکی فەرەنسا میشێل بارنیەر، ئەندامی پارتی کۆماریخوازی ڕاستڕەوی بۆ پێکهێنانی حکومەتی نوێی فەرەنسا ڕاسپارد.