وادەی دەستپێکردنی بانگەشەی هەڵبژاردن دیاری دەکرێت

ئاڤا نیوز

 

بۆ دیاریکردنی ڕۆژی دەستپێکردنی بانگەشەی هەڵبژاردنی پەرلەمانی کوردستان دەستەی کۆمیسیارانی عێراق کۆدەبێتەوە. 

 

وێنە گەورەکە: زیاتر لە دوو هەفتەیە قۆناغی سێیەمی وردبینی و پێداچوونەوە بە زانیاریی بەربژێرانی پەرلەمانی کوردستان دەستیپێکردووە، کۆمیسیۆنی هەڵبژاردنەکان ڕێنماییەکانی پەیوەست بە بانگەشەی هەڵبژاردنی خولی شەشەمی پەرلەمانی کوردستانی بڵاوکردووەتەوە، بەڵام تاوەکو  ئێستا وادەی دەستپێکردنی بانگەشە دیارینەکراوە.

لێدوانی فەرمی: خالید عەباس، بەڕێوەبەری ئۆفیسی دھۆکی کۆمیسیۆن بە ئاڤای گوت، "زانیاریم هەیە پرۆسەی وردبینی لە ناو و زانیاریی بەربژێران تەواو بووە، 25-09-2024 بانگەشەی هەڵبژاردن دەستپێدەکات."

 

ئەوەی پێویستە بیزانیت: بەربژێر و لایەنەکان کەمتر لە 25 ڕۆژیان لەبەر دەست دەبێت بۆ بانگەشەی هەڵبژاردن، چونکە ڕۆژی 18-10-2024 بانگەشەی هەڵبژاردن دەوەستێت.

 

باکگراوند: بڕیاره‌ 20یـی مانگی‌ داهاتوو پرۆسه‌ی‌ هه‌ڵبژاردنی‌ په‌رله‌مانی‌ كوردستان بکرێت، دوو ملیۆن و 899 هه‌زار و 578 كه‌س مافی ده‌نگدانیان هه‌یه‌.