لە بەغدا چوارەم کۆنفرانسی نیشتمانی بۆ بەرەنگاربوونەوەی ماددەی هۆشبەر بەڕێوەدەچێت

ئاڤا نیوز

 

بەمەبەستی بەرەنگاربوونەوەی بەکارهێنانی ماددەی هۆشبەر لیژنەیەک لە پەرلەمانی عێراق پلانێکی شەش خاڵی دەخاتەڕوو.

 

چیڕۆكه‌ سه‌ره‌كیه‌كه‌: لیژنەی پەرلەمانی عێراق بۆ بەرەنگاربوونەوەی ماددەی هۆشبەر و ماددە دەروونییەکان لە میانی کۆنفرانسی چوارەمی نیشتمانی، کە لە بەغدای پایتەخت کارەکانی کرا، شەش پێشنیازی بۆ بەرەنگاربوونەوەی بەکارهێنانی ماددەی هۆشبەر خستەڕوو.

 

لێدوانی فەرمی: عەدنان جحێشی سەرۆکی لیژنەکە ڕایگەیاند: دیاردەی بەکارهێنانی ماددەی هۆشبەر زۆر زیادیکردووە، بۆیە دەبێت وەک پێویست مامەڵەی لەگەڵدا بکرێت، گرنکترینیان جێبەجێکردنی سەرجەم ئەو بڕیارانەیە کە لەلایەن کۆمیسیۆنی باڵای هەماهەنگی نێوان پارێزگاکان دەرچووە سەبارەت بە بەرەنگاربوونەوەی دیاردەی ماددەی هۆشبەر.

 

ئەوەی پێویستە بیزانیت: بەگوێرەی ئامارەکانی وەزارەتی ناوخۆی عێراق لە هەشت مانگی یەکەمی ئەمساڵدا زیاتر لە 300 بازرگانی ناوخۆیی و نێودەوڵەتیی دەستگیرکراون.