تەندروستی جیهانی: نزیکەی 30 هەزار توشبووی ئاوڵەی مەیموون لە ئەفریقا تۆمار کراون

ئاڤا نیوز

 

ڕێکخراوی تەندروستی جیهانی ڕایدەگەیێنێت، تاوەکو ئەمساڵ نزیکەی 30 هەزار توشبووی گومانلێکراوی نەخۆشی ئاوڵەی مەیموون لە ئەفریقا تۆمارکراون کە زۆربەیان لە کۆماری دیموکراتی کۆنگۆن.

 

ڕاگەیێندراوی فەرمی: ئاژانسی تەندروستی نەتەوە یەکگرتووەکان لە ڕاپۆرتێکیدا ڕایگەیاند، لەم ماوەیەدا زیاتر لە 800 کەس لە سەرانسەری ئەفریقا بەهۆی نەخۆشییەکەوە گیانیان لەدەستداوە.

 

لەلایەکی دیکەوە: ئاژانسی تەندروستی گشتی یەکێتی ئەفریقا دەڵێت، لە ساڵی 2023 دا 14 هەزار و 957  تووشبوو و 739  گیانلەدەستدان لە حەوت ویلایەتی تووشبوودا تۆمارکراون و بەراورد بە  ساڵی 2022 ڕێژەکە 78.5٪ زیادیکردووە.

 

ئەوەی لەبارەیەوە دەگوترێت: لە مانگی کانوونی دووەم تا 15ـی ئەیلوولی ئەمساڵ 29 هەزار و 342 حاڵەتی گومانلێکراو و 812 حاڵەتی گیانلەدەستدان لە سەرانسەری ئەفریقا تۆمارکراوە.

 

ئەوەی پێوستە بیزانیت: بڕی 128 ملیۆن و 890 هەزار دۆلار دەبەخشرێتە 10 وڵاتی ئەفریقا بۆ یارمەتیدان لە بەرەنگاربوونەوەی نەخۆشی ئاوڵەی مەیموون.

 

هۆکارە زانراوەکان: نەخۆشی ئاوڵەی مەیموون لە ڕێگەی بەرکەوتن لەگەڵ کەسی تووشبوو دەگوازرێتەوە. نەخۆشییەکە زۆر مەترسیدار نییە بەڵام هەندێک حاڵەتێکی دەگمەندا دەبێتە هۆی مردن. بەزۆری نەخۆشییەکە هەمان نیشەکانی نەخۆشی ئەنفلوەنزای هەیە.