سوودانی: پەیوەندی نێوان هەولێر و بەغدا پتەوتر دەکەین

ئاڤا نیوز

 

سەرۆکوەزیرانی عێراق ئاشکرایکرد، بەپێی دەستووری عێراق هەوڵەکانمان بەردەوامن بۆ پتەوکردنی پەیوەندی نێوان حکومەتی فیدراڵ و حکومەتی هەرێمی کوردستان. 

 

چیڕۆکی سەرەکی: لە چوارچێوەی وتارەکەیدا لە پەراوێزی بەشداریکردنی لە کۆبوونەوەکانی خولی 79ـیەمینی کۆمەڵەی گشتی نەتەوە یەکگرتووەکان لە نیویۆرک، محەممەد شیاع سوودانی، سەرۆکوەزیرانی عێراق ئاماژەی بەوەدا کە دەیانەوێت پەیوەندییەکانیان لەگەڵ حکومەتی هەرێم پتەوتر بکەن.

 

زانیاری زیاتر:  "حکوومەتی عێراق کار بۆ دووبارە ڕێکخستنەوەی سەرچاوە مرۆییەکان دەکات، وهەنگاوی زۆر گەورەی ناوە بۆ پاراستنی مافی کەمینەکان"، محەممەد شیاع سوودانی، سەرۆکوەزیرانی عێراق وای گوت.

 

قووڵتر: سوودانی داوا لە کۆمەڵگەی نێودەوڵەتی دەکات پاڵپشتی هەوڵەکان بکات بۆ گەڕاندنەوەی پارە دزراوەکانی عێراق و کۆتاییهێنان بەو ئاستەنگە یاساییانەی کە لەلایەن هەندێک وڵاتەوە سەپێنراون.