کاردانەوەی هێرشەکانی ئیسرائیل بۆسەر لوبنان فراوانتر دەبێت

ئاڤا نیوز 

 

دوای ئەوەی ئێوارەی ئەمڕۆ ئیسرائیل هێرشی مووشەکی بۆ سەر بارەگای سەرەکی حیزبوڵڵا ئەنجامدا، دوو کەس کوژراون و 76 کەسی تریش بریندار بوون،  ئەمەش ناڕەزایەتی ئێرانی لێکەوتووەتەوە. 

 

وێنە گەورەکە: لە هێرشێکی مووشەکیدا سوپای ئیسرائیل هێرشی کردووەتە سەر بارەگای ناوەندی ڕێکخراوی حیزبوڵڵای لوبنان لە باشووری بەیرووت کە ئامانجیان کوشتنی سەرۆکی ئەم ڕێکخراوە بووە. 

 

ڕاگەیێندراوی فەرمی: بەپێی ڕاپۆرتی سکای نیوز، باڵیۆزی ئێران لە بەیرووت ڕایگەیاند: هێرشی ئیسرائیل بۆ سەر لوبنان کارێکی مەترسیدارە، یاساکان دەگۆڕێت و گرژییەکان زۆر دەکات". 

 

زانیاریی زیاتر: نەجیب میقاتی، سەرۆک وەزیرانی لوبنان دەڵێت: "هێرشەکانی ئیسرائیل نیشاندەری ئەوەن کە ئیسرائیل گوێ بە هەوڵە جیهانییەکان نادات بۆ گەیشتن  بە ئاگربەست".