کاتی دەوامی کارمەندانی وەزارەتی ناوخۆ کەم دەکرێتەوە

ئاڤا نیوز

 

وەزیری ناوخۆی حکومەتی هەرێمی کوردستان بڕیارێک لە بەرژەوەندیی پۆلیس و کارمەندی هێزەکانی ناوخۆ دەردەکات.

 

بڕیاری فەرمی: بە بڕیاری ڕێبەر ئەحمەد، وەزیری ناوخۆ، لە نووسراوێکی فەرمی کە لە ڕێککەوتی 22ی9ی2024 دەرچووە، دەوامی هێزەکانی ئاسایشی ناوخۆ لە دوو پۆستەوە دەکرێت بە سێ پۆست، واتا لە دوای 24 کاتژمێر لە دەوام، 48 کاتژمێر لە پشوودا دەبن.

 

زانیاریی زیاتر: بڕیارەکە ئەو کەسانە ناگرێتەوە کە ڕۆژانە لە کاتژمێر 8ی بەیانی تاوەکو 3ی دوای نیوەڕۆ دەوامیان هەیە و دوای دەرچوونی ئەو بڕیارە دەوامی "یەک بە یەک" نامێنێت.

 

ژمارەکان وادەڵێن: بڕیارەکەی وەزیری ناوخۆ، 95 هەزار و 808 کارمەندی هێزەکانی ناوخۆ دەگرێتەوە.