حیزبوڵڵا کوژرانی حەسەن نەسروڵڵا پشتڕاست دەکاتەوە

ئاڤا نیوز

 

حیزبوڵڵای لوبنان کوژرانی حەسەن نەسڕوڵڵا، ئەمینداری گشتیی حیزبەکەیانی پشتڕاستکردەوە و بەو بۆنەیەوە سەرەخۆشی لە ڕێبەری باڵای ئێران و گەلی لوبنان کرد و بەڵێنی بەردەوامیدان بە "بەرخودان" دژ بە ئیسرائیل دووپات کردەوە.

 

وێنە گەورەکە: ڕۆژی شەممە 28-9-2024 سوپای ئیسرائیل کوژرانی حەسەن نەسروڵڵا، ئەمینداری گشتیی حیزبوڵڵای لوبنانی لە هێرشێکی ئیسرائیل بۆسەر باڵەخانەیەک لە بەیرووت ڕاگەیاند.

 

ڕاگەیێنراوی فەرمی: حیزبوڵڵای لوبنان لە ڕاگەیێنراوێکدا کوژارانی حەسەن نەسڕوڵڵای پشتڕاستکردەوە و ڕایگەیاند: "حەسەن نەسروڵڵا، ئەمینداری گشتی حیزبوڵڵا باوەڕدارێکی ژیر و تێڕامان و دڵسۆز، پەیوەندی بە کاروانی نەمری شەهیدانەوە کرد".

 

زانیاریی زیاتر: حیزبوڵڵا لە ڕاگەیێنراوەکەدا پرسە و سەرەخۆشی خۆی ئاراستەی عەلی خامنەیی، ڕێبەری باڵای کۆماری ئیسلامی و گەلی لوبنان کرد و ڕاشیگەیاند: "وەک سەرکردایەتی حیزبوڵڵا بەڵێن دەدەین درێژە بە جیهادەکەی بدەین لە ڕووبەڕووبوونەوەی دوژمن".