سوپای ئیسرائیل: نیازمان نییە بچینە نێو بەیرووت

ئاڤا نیوز

 

گوتەبێژی سوپای ئیسرائیل ڕایدەگەیێنێت، هێزەکانیان ناچنە نێو بەیرووت و هێرشە زەمینییەکە سنووردار  و کورتخایەن دەبێت.

 

وێنە گەورەکە: ئەمڕۆ 2024-10-01، ئیسرائیل لە هێرشێکی زەمینیدا سنوورەکانی باشووری لوبنانی بڕی و چووە ناو ئەو وڵاتە، ئەمەش دەبێتە یەکەم هێرشی زەمینی سوپای ئیسرائیل بۆ ناو لوبنان لەدوای ساڵی 2006.

 

ڕاگەیێندراوی فەرمی: دانیال هاگاری، گوتەبێژی سوپای ئیسرائیل ڕایگەیاند: "سوپای ئیسرائیل ناچنە ناو بەیرووت یان هەر گەورەشارێکی دیکەی لوبنان و ئۆپەراسیۆنەکەمان لە باشووری لوبنان سنووردار و بەپێی  پێویست دەبن". 

 

زانیاریی زیاتر: ئیسرائیل تائێستا 700 بنکەی حیزبوڵڵایان کردووەتە ئامانج. 

 

ئەمەش بزانە: ئیسرائیل باس لەوە دەکات، ئامانج لە ئەنجامدانی ئەم ئۆپەراسیۆنە زەمینییە گەڕانەوەی بێکێشەی 60 هەزار ئاوارەی ئەم وڵاتەیە بۆ شارەکانی باکووری ئیسرائیل.