سوپای پاسداران بەرپرسیارێتی هێرشەکەی سەر ئیسرائیلی لەئەستۆ گرت

ئاڤا نیوز

 

سوپای پاسدارانی ئێران بەفەرمی بەرپرسیارێتی هێرشەکەی سەر ئیسرائیلی لەئەستۆگرت و دەڵێت لە تۆڵەی کوژرانی ئیسماعیل هەنیە و حەسەند نەسروڵڵایە. 

 

وێنە گەورەکە: ئێوارەی ئەمڕۆ ئێران لە ڕێگەی دەیان مووشەکی دوورهاوێژ هێرشی کردە سەر ئیسرائیل، دوای هێرشەکە بەرپرسانی ئیسرائیل هەڕەشەیان کرد کە بەتووندی وەڵامی هێرشەکەی ئێران دەدەنەوە.

 

ڕاگەیێنراوی فەرمی: سوپای پاسدارانی ئێران بەفەرمی بەرپرسیارێتی هێرشەکەی سەر ئیسرائیلی لەئەستۆگرت، ڤیدیۆکەی بڵاوکردەوە و ڕایگەیاند، هێرشەکە لە تۆڵەی کوژرانی ئیسماعیل هەنیە، سەرۆکی مەکتەبی سیاسی حەماس و حەسەن نەسروڵڵا، ئەمینداری گشتی حیزبوڵڵای لوبنان و عەباس نیلفوروشان، فەرماندەی ئۆپەراسیۆنەکانی سوپای پاسداران بووە.

 

زانیاریی زیاتر: سوپاسی پاسدارانی ئێران دەڵێت هێرشەکەیان بە زیاتر لە 400 مووشەک کردووە و دەیان شوێنی مەبەستداریان پێکاون، ئەگەر ئەو وڵاتەش وەڵام بداتەوە، دووبارە هێرشی دەکەنەوە سەر.