وەزارەتی دارایی: مووچەی مانگی نۆی هێزە ئەمنییەكان نەنێردراوە

ئاڤا نیوز 

وەزارەتی دارایی حكومەتی عێراق گوژمەیەك پارەی بۆ مووچەی مانگی نۆی فەرمانبەرانی هەرێمی كوردستان نارد، بەڵام مووچەی هێزە ئەمنییەكانی تێدا نییە.

وێنە گەورەكە: ئێوارەی ئەمڕۆ 598 ملیار دینار وەک تەمویلی مووچەی مانگی ئەیلوولی فەرمەنبەران و خانەنشینانی شارستانی و فەرمانبەرانی گرێبەست خرایە سەر هەژماری بانکی وەزارەتی دارایی و ئابووریی هەرێمی کوردستان.

ڕاگەیێنراوی فەرمی: وەزارەتی دارایی و ئابووریی حكومەتی هەرێمی كوردستان ڕایگەیاند: لەو بڕە پارەیەی كە ئەمڕۆ خراوەتە سەر هەژماری بانكیی هەرێمی كوردستان، مووچەی هێزە ئەمنییەكانی بۆ مانگی نۆ تێدا نییە.

 

ئەوەی پێویستە بیزانیت: دووسبەی هەینی 4-10-2024، دەست بە دابەشكردنی مووچەی مانگی هەشتی فەرمانبەرانی هەرێمی كوردستان دەكرێت و لە چەند ڕۆژێکدا سەرجەم مووچەخۆران مووچە وەردەگرن. سەرچاوەیەک لە وەزارەتی دارایی و ئابووریی بە ئاڤا نیوزی گوت: ئەمشەو یان سبەی لیستی مووچەی مانگی هەشت بڵاودەکرێتەوە.

زانیاریی زیاتر: دوای خەرجکردنی مووچەی مانگی نۆی هێزە ئەمنییەکان و سەرجەم ئەو لێبڕینانەی لە مووچەی مانگەکانی سەرەتای ئەمساڵ تا مانگی ئاب ڕاگیرابوون {کە بڕەکەی 243 ملیار دینارە} لەلایەن وەزارەتی دارایی عێراق لە هەفتەی داهاتوودا، ڕاستەوخۆ دەست بەدابەشکردنی مووچەی مانگی نۆ دەكرێت.