
دەرهێنانی بەردی ئەگزۆج - بغداد الیوم
ئاڤا نیوز
نزیکە چوار ئۆتۆمبێل لە شەقامەکانی بەغدا دەسوڕێنەوە و ژینگەی شارەکە پیس دەکەن، بەتایبەت ئەوانەی بەردی گزۆزیان دەرکراوە، حکومەتیش هیچ پلانێکی نییە بۆ ڕووبەڕووبونەوەی ئەم تاوانە ژینگەییە.
چیرۆکی سەرەکی: بەردی گزۆز چییە؟؛ بریتییە لە ماددەیەکی تێکەڵ لە کانزا و سیرامیک و لە شێوەی شانەی هەنگ دروست دەکرێت، ئەرکی هەڵمژینی ئەو گازە زیانبەخشانەیە کە لە گزۆزی ئۆتۆمبێلەوە دەردەچێت، بەڵام بەشێکی زۆر لە ئۆتۆمبێلەکانی عێراق بەردەکانیان دەرکراوە.
ڕاگهیێنراوی فهرمی: د.حوسێن جەبار، سەرۆکی بەشی ئەندازیاری ژینگە لە زانکۆی بەغدا ڕایگەیاند: ئەو گازانەی لە دووکەڵی ئۆتۆمبێلەوە دروست دەبن، کاریگەری بەرچاویان دەبێت لەسەر کوالێتی هەوا، زیادبوونی پیسبوونی ژینگە، هاوکات دەبنە هۆی نەخۆشییەکانی کۆئەندامی هەناسە، شێرپەنجەی سییەکان، نەخۆشییەکانی دڵ و نەخۆشییە دەروونییەکان.
ئەمەش بزانە: بەگوێرەی ئاماری ساڵانەی وەزارەتی تەندروستی عێراق، ژمارەی ئەو کەسانەی تووشی نەخۆشییەکانی کۆئەندامی هەناسە بوون، لە سەرانسەری عێراقدا گەیشتووەتە 10 هەزار و 334 کەس.
هۆکارە زانراوەکان: بەردی گزۆزی ئۆتۆمبێل لە بازاڕدا بە 500 تا 550 دۆلار مامەڵەی پێوە دەکرێت، لەبەرئەوەی پێکهاتەیەکی ژینگەیی هەیە و لەوڵاتان بەپێی یاسا مەرجە گزۆزی ئۆتۆمبێلەکان ئەو بەردەی تێدا بێت، بۆ ئەوەی دووکەڵی ئۆتۆمبێلەکان ژینگە پیس نەکات، بەڵام لە عێراق ڕێگری لە دەرهێنانی ناکرێت.
زیاتر لەسەر ئەم بابەتانە بکۆڵەرەوە
دوایین هەواڵەکان
- عێراق
- 6 کاتژمێر لەمەوپێش
سوودانی: لە قۆناغی بونیادنانەوەی دەوڵەت دواکەوتووین
- کوردستان
- 6 کاتژمێر لەمەوپێش
بەبۆنەی نەورۆزەوە لە شارێکی کوردستان پشوو ڕاگەیێنرا
هەڵبژاردەکان بۆ تۆ
ئاڤا هۆكارەكانی زیادبوونی تەڵاق لە هەرێمی کوردستان دەخاتەڕوو
11 کاتژمێر لەمەوپێش
خانووەکانی ناوچەیەک لە ئیتاڵیا بە نرخی کەمتر لە یۆرۆیەک دەفرۆشرێت
17 ئازار
موقتەدا سەدر سەبارەت بەنەشتەرگەری جوانکاری و یاری ئۆنۆ فەتوا دەدات
17 ئازار
لە ڕۆژهەڵاتی ناوەڕاست عێراق زۆرترین بڕی برنج لە ئەمریکا هاوردە دەکات
17 ئازار
کوێت تەمەنی هاوسەرگیری بەرز دەکاتەوە
17 ئازار