شێخ دارا: بارانبارین تا زیاتر لە 10 ڕۆژی دیکە بەردەوام دەبێت

ئاڤا نیوز 

 

بەپێی پێشبینییەکان، بارانبارین لە هەرێمی کوردستان تا زیاتر لە 10 ڕۆژی دیکە بەردەوام دەبێت. ئەگەریش هەیە لە مانگی دووی ئەمساڵ زیاتر لە 20 ڕۆژ باران ببارێت.

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا میدیا ڕایگەیاند، ئەو شەپۆلی بارانبارینەی کە ڕووی لە هەرێمی کوردستان کردووە، بەهۆی کاریگەرییەکەی تاوەکوو نزیک 10ـی مانگی داهاتوو بەشێوەی پچڕ پچڕ بەردەوام دەبێت.

- باس لەوەش دەکات، پێش ئەو وادەیە هەندێک ڕۆژ کەشەکە خۆش دەبێت و بارانبارین دەوەستێت، بەڵام لە دوای پێنج و شەشی مانگ شەپۆلێکی دیکە دەستپێدەکاتەوە. هەروەها لە ناو مانگی دوو، ئەگەری ئەوەی هەیە، زیاتر لە 20 ڕۆژ باران ببارێت.

- ئەمساڵ بەراورد بە ساڵی ڕابردوو باران زۆر زیاتر باریوە، سلێمانی وەک نمونە دەهێنێتەوە کە تاوەکو بەیانیی ئەمڕۆ 515 ملیمەتر باران باریوە، بەڵام پار ساڵ 209 ملیمەتر باران باری بوو.