عێراق: وەڵامی هەر هێرشێک دەدەینەوە بکرێتە سەرمان

ئاڤا نیوز

 

عێراق بە مافی خۆی دەزانێت بەرگری لەخۆی بکات و بە تووندی وەڵامی هەر هێرش و پێشێلکردنێکی سەروەریی خاکەکەی بداتەوە، قاسم ئەعرەجی، سەرەڕای ئەوە ڕاوێژکاری ئاسایشی نەتەوەییە، دەڵێت: هیچ نیازێکیان نییە بچنە ناو شەڕێکەوە کە ڕەنگە لێکەوتەی ترسناکی هەبێت.

 

وێنە گەوەرکە: مەترسیی ئەوە هەیە گرژییەکانی نێوان ئیسرائیل و گرووپە چەکدارییەکانی سەر بە ئێران لە دوای فەلەستین و لوبنان پریشکەکەی عێراقیش بگرێتەوە، ئەمەش دوای هێرشەکانی بەرەی مقاوەمەی ئیسلامی لە عێراق بۆ سەر ئیسرائیل و کوژرانی دوو سەربازی ئیسرائیلی و برینداربوونی 23ی دیکە دێت.

 

لێدوانی فەرمی: قاسم ئەعرەجی، ڕاوێژکاری ئاسایشی نەتەوەیی عێراق، ڕایگەیاند: عێراق مافی خۆیەتی بەرگری لەخۆی بکات و بە تووندی وەڵامی هەر هێرش و پێشێلکردنێکی سەروەرییەکەی بداتەوە، ئەم بڕیارەش تەنیا لە ئەستۆی فەرماندەی گشتی هێزە چەکدارەکانە، کە کار دەکات بۆ کەمکردنەوەی پەرەسەندنەکان لە عێراق و ناوچەکە.

 

ئەوەی پێشبینی دەکرێت: لەبارەی هێرشی گرووپە چەکدارەکانی عێراق و ڕاگەیاندنی شەڕ دژی ئیسرائیل و تێوەگلانی عێراق لەو گرژیانە، ئەعرەجی دەڵێت: بڕیاردان لە شەڕ و ئاشتی تەنیا لە دەسەڵاتی حکومەتی عێراقە و عێراقیش هیچ نیازێکی نییە بچێتە ناو شەڕێکەوە کە ڕەنگە لێکەوتەی ترسناکی هەبێت".

 

لەلایەکی دیکە: محەممەد شیاع سوودانی، سەرۆکوەزیرانی عێراق لە پەیامێکدا هۆشداری لە پەرەسەندنی گرژییەکان دەدات و دەڵێت: "لە لێواری دۆخێکی مەترسیدارداین".