هاووڵاتیانی عێراقی لە لوبنان بەبێ پاسپۆرت دەتوانن بگەڕێنەوە

ئاڤا نیوز

 

باڵیۆزخانەی عێراق لە دیمەشق ئەو هاووڵاتییە عێراقییانە ئاگاداردەکاتەوە کە لە لوبنان نیشتەجێن و پاسپۆرتی عێراقییان نییە، ئێستا دەتوانن بەهەر بەڵگەنامەیەکی فەرمی عێراقی لە ڕێگەی سووریاوە بگەڕێنەوە بۆ عێراق.

 

وێنە گەورەکە: بەهۆی ڕەوشی ئەمنیی و بۆردوومانە بەردەوامەکانی سوپای ئیسرائیل بۆ سەر لوبنان، تائێستا دوو هەزار کەس کوژراون و زیاتر لە 10 هەزار برینداربوون و بەدەیان هەزار کەسی دیکەش ئاوارە بوون.

ڕاگه‌یێنراوی فه‌رمی: باڵیۆزخانەی عێراق لە دیمەشق بڵاوی کردەوە: بەرامبەر ئەو دۆخە نەخوازراوەی لە لوبنان ڕوودەدات، باڵیۆزخانەی عێراق لە دیمەشق تیمێکی مەیدانی پێکهێناوە، لە دەروازە سنوورییەکانی نێوان لوبنان و سووریا پێشوازی لە هاووڵاتیانی عێراقی دەکەن و هەموو کارئاسانییەکان پێشکەش دەکەن.

 

زانیاریی زیاتر: باڵیۆزخانەی عێراق ئاماژەی بەوەش کرد، ئەو دواکەوتنەی لە بەندەرەکان ڕوودەدات، دەرەنجامی ڕێوشوێنی ئەمنی و وردبینی دەسەڵاتدارانی سووریایە.