نێچيرڤان بارزانى له‌گه‌ڵ باڵيۆزى به‌ريتانيا لە عێراق کۆدەبێتەوە

ئاڤا نیوز

 

نێچیرڤان بارزانی و باڵیۆزی بەریتانیا لە عێراق کوبوونەوە و دوایین پێشهاتی ناوچەکە و هاوکات کێشەکانی نێوان هەرێمی کوردستان و عێراقیان تاوتوێکرد.

 

وێنە گەورەکە: ئه‌مڕۆ چوارشه‌ممه‌ 9-10-2024، نێچيرڤان بارزانى، سه‌رۆكى هه‌رێمى كوردستان، پێشوازيى له‌ باڵيۆزى به‌ريتانيا له‌ عێراق كرد، هاوکات هەلومەرجی ڕۆژهه‌ڵاتى ناوه‌ڕاست و مه‌ترسيى فراوانبوونى گرژييه‌كان و ئاڵۆزبوونى زياتر گفتوگۆیان لەبارەیەوە کرا. 

ڕاگەیێنراوی فەرمی: له‌ كۆبوونه‌وه‌کەدا بره‌ودان به‌ په‌يوه‌ندييه‌كان و بواره‌كانى هاريكاريى هاوبه‌شى به‌ريتانيا له‌گه‌ڵ عێراق و هه‌رێمى كوردستان و دۆخی گشتی وڵاتەکە تاوتوێکرا، هاوکات هه‌ڵبژاردنى په‌رله‌مانى كوردستان و چارەسەرکردنی کێشەکان لەگەل عێراق بەشێکی تر لە تەوەری گفتوگۆکان بوو. 

 

لەلایەکی دیکەوە: هه‌ردوولا هيواى سه‌ركه‌وتنيان بۆ پرۆسه‌ى ده‌نگدان خواست، ده‌رباره‌ى په‌يوه‌ندييه‌كانى هه‌ولێر و به‌غداش هاوڕابوون له‌سه‌ر ئه‌وه‌ى كێشه‌كان به‌ گفتوگۆ و لێكگه‌يشتن چاره‌سه‌ر بكرێن، له‌وبارەیەوە نێچیرڤان بارزانی، سەرۆکی هەرێمی کوردستان گوتی؛ لێکتێگەیشتنی هاوبه‌شی به‌‌ کلیلی سه‌قامگیریی عێراقە.

 

ئەمەش بزانە:  تەوەرێکی دیکەی کۆبوونەوەکان باسکردن بووە لە گرژییەکانی ناوچەکە، هه‌ردوولا داكۆكييان له‌ پێويستيى پاراستنى ئارامى، سه‌قامگيرى و ‌دوورخستنه‌وه‌ى ناوچه‌كه‌ له‌ ئه‌گه‌رى ته‌شه‌نه‌سه‌ندنى زياترى شه‌ڕ و پێكدادان و لێكه‌وته‌کان کردەوە.