ئێران دەستبەسەرکردنی قائانی ڕەتدەکاتەوە

ئاڤا نیوز

میدیاکانی ئێران ڕەتیدەکەنەوە کە ئیسماعیل قائانی، فەرماندەی سوپای قودس، دەستبەسەر و لە ژێر لێکۆڵینەوەدا بێت.

 

وێنە گەورەکە: دوای کوژرانی حەسەن نەسروڵڵا لە هێرشێکی ئیسرائیلدا، وا بڵاوبوویەوە کە قائانی سەردانی لوبنانی کردووە، بەڵام لەو کاتەوە چارەنووسی دیار نییە.
 

ڕاگەیێنراوی فەرمی: ئاژانسی هەواڵی تەسنیم ڕاپۆرتی چەند میدیایەکی ڕۆژئاوایی، لەوانە ئاژانسەکانی ڕۆیتەرز، نیویۆرک تایمز و میدڵ ئیست ئای، سەبارەت بە چارەنووسی قائانی ڕەتکردووەتەوە و بە "درۆ" ناوی بردووە کە ڕایانگەیاندبوو دەستبەسەرە و لێکۆڵینەوەی لەگەڵدا دەکرێت.

 

لەلایەکی دیکەوە، ئیبراهیم جەباری، ڕاوێژکاری باڵای سوپای پاسداران ڕایگەیاندووە لە ماوەی چەند ڕۆژی داهاتوودا خامنەیی 'مەدالیای فەتح'ی ڕێزلێنان دەبەخشێتە قائانی. 

 

ئەوەی پێویستە بیزانیت: سەرەڕای ئەوەی کە سوپای پاسداران لە ڕۆژانی ڕابردوودا چەند جارێک دڵنیاییان لە سەلامەتی قائانی داوە، بەڵام هێشتا گومانەکان لە چارەنووسی قائانی بەردەوامن.