حیزبوڵڵا لە ڕۆژی یۆم کیپوور 300 مووشەک ئاراستەی ئیسرائیل دەکات

ئاڤا نیوز

 

لە پیرۆزترین ڕۆژی ئیسرائیلییەکاندا، حیزبوڵڵا ئەو وڵاتە مووشەکباران دەکات، ئەوەش دەبێتە هۆی ئەوەی فەرەنسا هۆشداری بداتە حیزبوڵڵا. 

 

وێنە گەورەکە: جووەکان لە ڕۆژی یۆم کیپوور کە بەپێی کولتوور و ئایین، پیرۆزترین ڕۆژییانە، 25 کاتژمێر بەڕۆژوو دەبن. 

 

ڕاگەیێندراوی فەرمی: گوتەبێژێکی سوپای ئیسرائیل ڕایگەیاند: "لە کۆتایی ئەم هەفتە پیرۆزە نزیکەی ملیۆنێک خەڵکی ئێمە لە پەناگەکان بەڕۆژوو بوون، ئەوەش لەبەر هاوێشتنی 320 مووشەکی حیزبوڵڵا بوو بۆ سەر وڵاتەکەمان".

 

لەلایەکی دیکەوە: ئیمانۆئێل ماکرۆن، سەرۆککۆماری فەرەنسا لە گفتوگۆیەکدا لەگەڵ سەرۆکی پەرلەمانی لوبنان ڕایگەیاند: "بەزووترین کات دەبێت هێرشەکانی حیزبوڵڵا ڕابگیرێت و لە لوبنان ئاگربەست بکرێت". 

 

باکگراوند: جەنگی یۆم کیپور لە ساڵی 1973کە دەکاتە 51 ساڵ لەمەوبەر، هەفتەیەکی خایاند، یارمەتی ئیسرائیل درا  پێگەی خۆی وەک هێزی متمانەپێکراوی ئەمریکا لە ڕۆژهەڵاتی ناوەڕاستدا بچەسپێنێت. جەنگی یۆم کیپور کە بە جەنگی غوفران، یان جەنگی ڕەمەزان، جەنگی ئۆکتۆبەر، هەروەها بە جەنگی  چوارەمی عەرەبی – ئیسرائیلیش ناسراوە، بە لای جووەكان بەناوبانگە و لە یادكردنەوەكەیدا بەڕۆژوو دەبن.