سەرۆکوەزیران لە عەنکاوە بەردی بناغەی یەکەیەکی نیشتەجێبوونی دا

ئاڤا نیوز

 

سەرۆکوەزیران مەسرور بارزانی، سەردانی شارۆچکەی عەنکاوەی کرد و بەردی بناغەی دروستکردنی 720 یەکەی نیشتەجێبوونیدا، ئەم یەکانە بە نرخێکی زۆر گونجاو و بە قیستی درێژخایەن دەدرێت بە کرستیانەکان.

 

لێداونی فەرمی: سەرۆکوەزیران  مەسرور بارزانی ڕایگەیاند: "دوای ئەوەی سێ ساڵ لەمەوبەر، بڕیاری بە قەزابوونی عەنکاوەمان دا، ئێستا عەنکاوە ڕۆژ بە ڕۆژ لە گەشەسەندن و گەورە بووندایە و بووەتە نموونەیەکی هەرە دیاری بەیەکەوەژیان و نەتەوە و ئایینە جیاوازەکان لە ڕۆژهەڵاتی ناوەڕاست و خەڵکێکی زۆر لە کریستیانەکان بە هۆکاری جیاواز و بە ناچاری لە بەغدا و دەشتی نەینەوا و سووریا، ڕوویان لە عەنکاوە کردووە و ئێرە بووەتە شوێن و پەناگەیەک بۆ کریستیانەکان لەم دەڤەرە.

 

زانیاریی زیاتر: مەسرور بارزانی، بەردی بناغەی دروستکردنی 720 یەکەی نیشتەجێبوونی بۆ کریستیانەکانی عەنکاوە دا، ئەوانەی کە کرێنشینن و هەژار و کەمدرامەتن،  ئەم یەکانەش بە نرخێکی زۆر گونجا و و بە قیستی درێژخایەن پێیان دەدرێت".

ئەوەی پێویستە بیزانیت: سەرۆکوەزیران موژدیەکی بۆ دانیشتووانی عەنکاوە ڕاگەیاند، ئەویش ئەو کێشە و گرفتانەی کە چەند ساڵێکە بە هۆکاری جیاواز بە هۆی ئەوەی زەوییەکانیان بەر سەربازگەی پێشووی ڕژێمی عێراق و فڕۆکەخانە کەوتوون و هەموو ئەوانەی زیانیان بەرکەوتووە، بە شێوەیەکی دادپەروەرانە و بە پێی ئەنجامی ئەو لیژنەیەی بۆ چارەسەرکردنی ئەو کێشەیە پێکهێنراوە، هەموویان قەرەبوو دەکرێنەوە.