مفایێن وەرزشکرنا بەردەوام

ئاڤا دیجیتاڵ

وەرزش ئەو تشتێ کو گەلەک ژ خەلکی پشتگوهڤە هاڤێتی و گرنگیێ پێ نادەن، لێ نۆژداران ب گشتی ئێک نێرین هەیە لسەر وێ چەندێ کو وەرزش ب هەمی جۆرێن خۆ ڤە گەلەکا ب مفایە. 

 

وەرزشکرنا بەردەوام چ مفا هەیە؟ 

ل دویڤ رێنمایێن نۆژدارێن تایبەتمەند، چالاکیێن لەشی وەک وەرزش و لڤینێن بەردەوام، دبنە ئەگەرێ وێ چەندێ مەترسیا نەخۆشیێن دلی کێم دکەت، هەروەسا مەترسیا تووشبوون ب نەخۆشیێن شەکرێ و فشارا خوینێ و پەنجەشێرا سیها و لاوازبوونا هەستیان کێم دکەت.

 

وەرزشکرنا بەردەوام، چەوری و فشارا خوینێ کێم دکەت و ژ روویێ دەروونیڤە ژی دبیتە ئەگەرێ ئارام بوونا دەروونی و لەشەکێ رێکوپێک ددەتە مرۆڤی. 

 

چ دەمی گرنگە وەرزش تێدا بهێتە کرن؟ 

دگەل ڤێ چەندێ کو وەرزشێ گەلەک مفا هەنە، لێ دەمێن دیارکریێن وەرزشکرنێ ژی گەلەک گرنگن، وەک ڤەکۆلینەکا ئەمریکی  دبێژیت، کو د گۆڤارا Obesity دا هاتیە بەلاڤکرن و ڤەکۆلین لسەر پێنج هزار و 285 کەسێن پێگەهشتی هاتیە کرن، دیاردکەت کو وەرزشکرن ل دەمژمێر 7 بۆ 9 سپێدێ باشترین دەمە بۆ کێمکرنا سەنگا لەشی و زەعیف بوونێ و بگشتی مفایێن تەمام دگەهینیتە لەشی، ئەو کەسێن کو ل دانێ سپێدێ وەرزشێ دکەن پیڤەرێن بارستەیێ لەشێ وان کێمترە و کەمەراوان بچیکتر دبیت ل هەمبەر وان کەسان کو ل دەمێن نیڤرۆ یان ئێڤاریان وەرزشێ دکەن.

 

چەند شیرەت هەنە داکو زۆرترین و باشترین راهێنان بکەی 

 

1- خارنا تێشتا سپێدێ

ئەگەر توو کەسەکی سپێدا وەرزشێ دکەی، پێدڤیە سپێدا زوو راببی داکو دەمژمێرەکێ بەری وەرزشێ نانی بخۆی، پێدڤیە خارنەکا سڤک بخۆی یان ڤەخارنەکا وەرزشی.
خارنێ باش ل تێشتێ و سپێدێ بریتیە ژ:
-خارنێن ژ گەنمی دروست دبن
-شیرێ کێم چەوری
-شەربەت
-مۆز
-ماست 

 

2- پێدڤیە بزانین کا ئەم چەندێ دخۆین

پێدڤیە زێدەگاڤی نەهێنە کرن د خارنا خارنێن سپێدەیا دا، رێنمایێن گشتی پێشنیارا وێ جەندێ دکەن
خارنێن گران، پێدڤیە 3 بۆ 4 دەمژمێران بەری وەرزشکرنێ بهێنە خارن. 
دەمژمێرەکێ بەری وەرزشێ پێدڤیە نان بهێتە خارن و
گەلەک خارن بەری وەرزشکرنێ دبیتە ئەگەرێ وێ چەندێ هەست ب سستیێ بکەی. 

 

3- خارنا کێم

رێژەیەکا زۆرا خەلکی دشێن پێش وەرزشکرن و ل دەمێ وەرزشکرنێ خارنێن کێم بخۆن، خالا گرنگ ڤێرە ئەوە کو بزانی چەوا باشترین و ساخلەمە بووتە و زێدەیی ڤە نەبیت.

 

4- پشتی وەرزشکرنێ خارنێ بخۆ

پێدڤیە ژەمەکی هەلبژیری کو هەم کاربۆهیدرات هەم ژی پرۆتین تێدا بن، پشتی دوو دەمژمێران ژ کرنا وەرزشێ. 
باشترین خارن پشتی وەرزشێ ئەڤەنە:
-ماست و فێقی
-ساندویچا پەنیر و فستەقێ
-شیرێ شوکلاتەیا کێم چەوری 

 

5- ئاڤ ڤەخارن

پێدڤیە ئاڤێ گەلەکێ ڤەخۆی پێش وەرزشکرنێ و ل دەما وەرزشکرنێ ژی داکو هاریکاربیت بۆ هشکنەبوونا لەشی.