هیچ هێزێکی نەتەوە یەکگرتووەکان لە لوبنان ناکشێتەوە

ئاڤا نیوز

 

هێزەکانی سەربە نەتەوە یەکگرتووەکان لە لوبنان دەمێننەوە و ناکشێنەوە بۆ وڵاتەکانیان.

 

وێنە گەورەکە: سەرۆکوەزیرانی ئیسپانیا لە کۆتا چاوپێکەوتنیدا باسی لە مانەوەی هێزەکانی نەتەوە یەکگرتووەکانی کرد لەلوبنان و دەڵێت، هیچ کام لە هێزەکانی سەر بە نەتەوە یەکگرتووەکان لەو ناوچەیە ناکشێنەوە. 

 

لێدوانی فەرمی: پێدرۆ سانچێز، سەرۆکوەزیرانی ئیسپانیا ڕۆژی دووشەممە ڕایگەیاند: "دوای هێرشەکانی ئیسرائیل و داواکاری بردنە دەرەوەی هێزە ئاشتی پارێزەکانی نەتەوەیەکگرتووەکان لە باشووری لوبنان، هیچ هێزێک ناکشێنرێتەوە".

 

زانیاریی زیاتر: سانچێز لە کۆڕبەندێکدا لە بەرشەلۆنە ڕایگەیاند، ئیسپانیا ئیدانەی داواکەی بنیامین نەتانیاهۆ، سەرۆکوەزیرانی ئیسرائیل دەکات، کە تێیدا داوای پاشەکشەپێکردنی هێزە ئاشتی پارێزەکان دەکات، چونکە هیچ هێزێکی یونیفیل ناکشێتەوە.