سەرۆک بارزانی لە کەرنەڤاڵی هەولێر وتارێک پێشکەش دەکات

ئاڤا نیوز

 

پاش کەمێکی دیکە لە کەرنەڤاڵی جەماوەریی لیستی 190ی پارتی دیموکراتی کوردستان لە هەولێر سەرۆک بارزانی وتارێک پێشکەش دەکات.

 

وێنە گەورەکە: ئێستا لە یاریگای فەرەنسۆ هەریری لە هەولێر، بە ئامادەبوونی سەرۆک بارزانی و هەردوو جێگرانی سەرۆکی پارتی نێچیرڤان بارزانی و مەسرور بارزانی، گەورەترین و دوایین کەرنەڤاڵی بانگەشەی هەڵبژاردنی پارتی  بە بەبەشداریی دەیان هەزار کەس بەڕێوەدەچێت.

ئەوەی پێویستە بیزانیت: ئەمڕۆ دوایین ڕۆژی بانگەشەی هەڵبژاردنی لایەنەکانە بۆ هەڵبژاردنی خولی شەشەمی پەرلەمانی کوردستان، 18ی مانگ دەنگدانی تایبەت و 20ی مانگی دەنگدانی گشتی دەکرێت.

ئەمەش بزانە: بازنەی هەولێر 34 کورسی پەرلەمانی بۆ دانراوە و دووانیان بۆ کۆتای کریستیان و تورکمانن. پارتی 64 کاندیدی لە سنووری لقەکانی (دوو، 10، 16، 23، 24 و  26)ی سنووری هەولێر هەیە، لەو ژمارەیە 45 کاندید پیاون و 19 یان ئافرەتن.

باکگراوند: لە دوایین هەڵبژاردنی پەرلەمانی کوردستان کە ساڵی 2018 کرا، پارتی بە بەدەستهێنانی 300 هەزار و 693 دەنگ 22 کورسی لە سنووری پارێزگای هەولێر بەدەستهێنا.