نووسەر و لێکۆڵەرێکی دیاری کورد لە سەقز کۆچی دوایی کرد

ئاڤا نیوز

لوقمان نادرپوور، نووسەر و لێکۆڵەری ناسراوی بواری فۆلکلۆر و ئەدەبی زارەکیی کوردی، دوای ململانێیەکی درێژخایەن لەگەڵ نەخۆشیی شێرپەنجە، لە شاری سەقز کۆچی دوایی کرد.

وێنە گەورەکە: لوقمان نادرپوور، یەکێک بوو لەو لێکۆڵەرە جددیانەی ژیانی خۆی بۆ پاراستن و بەدۆکیۆمێنتکردنی سەرمایە فەرهەنگییەکانی کوردستان تەرخان کردبوو. کۆچی دوایی ئەو نووسەرە لە چەند ڕۆژی ڕابردوودا بووە، بەڵام بەهۆی پچڕانی هێڵەکانی ئینتەرنێت لە ناوچەکە، هەواڵی کۆچی دواییەکەی بە بێدەنگی مابووەوە.

زانیاری زیاتر: نادرپوور بە هاوکاریی لێکۆڵەر حەیدەر لوتفینیا، پڕۆژەیەکی گەورەیان بۆ کۆکردنەوەی شوێنەناو، بەیت، چیرۆک و ئەفسانە کوردییەکان دەستپێکردبوو، کە بەرهەمەکەی دەیان کتێبی چاپکراو و ئامادەی چاپە بۆ کتێبخانەی کوردی.

بەرهەمە دیارەکان: ئەم نووسەرە خاوەنی چەندین کتێب و لێکۆڵینەوەیە، لەوانە؛ ئاوێنەی بێگەرد، دەسێ گۆڵ و دەسێ نەرگس، چیرۆکەکانی باوە نەبی، شانامەی کوردی.