سبەی پڕۆسەی دابەشکردنی زەوی لە زاخۆ دەستپێدەکات

ئاڤا نیوز 

وەکو یەکەم شوێن لە زاخۆ دەستدەکرێت بە دابەشکردنی زەوی بەسەر فەرمانبەران و سبەی جوارشەممە تیروپشک بۆ دابەشکردنی پێنج هەزار زەوی دەکرێت.

 

وێنە گەورەکە: زیاتر لە 21 هەزار پارچە زەوی لە سنووری هەولێر، دهۆک و زاخۆ ئامادەن بۆ دابەشکردن، سبەی قۆناغی یەکەم دەست پێدەکات، بۆ قۆناغی دووەم سێ هەزار و 500 دۆنم لە زاخۆ ئامادەکراوە و ناوی 12 هەزار فەرمانبەر گەڕاوەتەوە بۆ ئەوەی ناویان بچێتە نێو تیر و پشک.

 

لێدوانی فەرمی: یونس محەممەد، سەرۆکی شارەوانی زاخۆ بە ئاڤا نیوزی ڕاگەیاند: "کاتژمێر 10ی بەیانی تیروپشک بۆ دابەشکردنی پێنج هەزار پارچە زەوی دەکرێت و ماوەی هەفتەیەک دەخایەنێت، ئەمە قۆناغی یەکەمی پڕۆسەکەیە لە قۆناغەکانی داهاتوودا هەزاران فەرمانبەری دیکە لەم پڕۆسەیە سوودمەند دەبن."

 

ئەوەی پێویستە بیزانیت: وردبینی لە پێداچوونەی ناوی فەرمانبەر و خانەنشینان لە وەزارەتی شارەوانی و گەشت و گوزار بەردەوامە، لە قوناغی داهاتوو هەزار کەس لە وەرگرتنی زەوی سوودمەند دەبن.