سەرۆک بارزانی سوپاسی ئەندام و لایەنگرانی پارتی دەکات

ئاڤا نیوز

 

سەرۆک بارزانی لە دوایین ڕۆژی هەڵمەتی هەڵبژاردندا سوپاسی ئەندام و لایەنگرانی پارتی دەکات و گوتی سەرەڕای زمانی زبری هەندێک لایەن خۆیان بۆ ئەو ئاستە دانەبەزاند.

 

وێنە گەورەکە: ئەمڕۆ پارتی دیموکراتی کوردستان لە یاریگای فەرەنسۆ هەریری لە هەولێر کۆتایی بە کەرنەڤاڵی جەماوەری بانگەشەی هەڵبژاردن بۆ لیستی 190ـی هێنا، کە نزیکەی 70 هەزار لایەنگر ئامادە بوون.

 

لێدوانی فەرمی: سەرۆک بارزانی لەکاتی بەشداریکردنی لە کەرنەڤاڵی بانگەشەی پارتی دیموکراتی کوردستان لە هەولێر وتارێکی پێشکەش کرد و ڕایگەیاند، شانازییەکی گەورەیە کوردستان گەیشتووەتە قۆناغێک بە هەڵبژاردن چارەنووسی حوکمڕانیی دیاری دەکەین.

لەلایەکی دیکەوە:  لەبارەی بەڕێوەچوونی هەڵبژاردن لەکاتی خۆیدا سەرۆکی بارزانی گوتی "دەبوو ئەم هەڵبژاردنە دوو ساڵ پێش ئێستا کرابا، بەڵام هەندێک لایەن خۆیان لەم هەڵبژاردنە دەدزییەوە".

گۆشەیەکی دیکە: سەرۆک بارزانی ڕوویکردە لایەنگرانی حیزبەکەی و سەبارەت بە بەکارهێنای زمانی زبری هەندێک لایەن ئاماژەی بەوەدا "سەرەڕای سنووربەزاندن و بەکارهێنانی زمانی زبر لەلایەن هەندێک لایەن، بەڵام ئێمە نەهاتینی ئەو ئاستە، سوپاسی ئەندام و لایەنگرانی پارتی دەکەم کە خۆیان بۆ ئەم ئاستە دانەبەزان".