سەرۆک بارزانی: پارتی هەموو هەڵبژاردنێک یەکەم بووە و لەمەودواش هەر یەکەم دەبێت

ئاڤا نیوز

 

سەرۆک بارزانی لەمیانی پێشکەشکردنی گوتارێک لە کەرنەڤاڵی پارتی لە هەولیر ڕایگەیاند، پارتی خاوەنی بیرۆکەی هەڵبژاردنە لە کوردستان و یەکەمجار لە کۆیە من داوام کرد. جەختیشی کردەوە پارتی لە هەموو هەڵبژاردنێک یەکەم بووە و ئەمجارەش یەکەم دەبێت.

 

وێنە گەورەکە: ئەمڕۆ سێشەممە 15-10-2024، بە ئامادەبوونی سەرۆک بارزانی و هەردوو جێگرانی سەرۆکی پارتی نێچیرڤان بارزانی و مەسرور بارزانی، گەورەترین و دوایین کەرنەڤاڵی بانگەشەی هەڵبژاردنی پارتی لە یاریگای فرانسۆ هەریری بە بەبەشداریی دەیان هەزار کەس بەڕێوچوو.

 

لێدوانی فەرمی: سەرۆک بارزانی لە کەرنەڤاڵی پارتی دیموکراتی کوردستان ڕایگەیاند: لە یەکەم هەڵبژاردنەوە پارتی یەکەم بووە و لەمەودواش هەر یەکەم دەبێت، ئێمە پلانی هەڵبژاردنێکی پێشوەختە و نەخشە بۆ دانراومان پووچەڵکردەوە.

 

ئەوەی پێشبینی دەکرێت: سەرۆک بارزانی لەبەردەم دەیان هەزار لایەنگری حیزبەکەیدا گوتی: لە یەکەم هەڵبژاردنەوە پارتی یەکەم بووە و لەمەودواش هەر یەکەم دەبێت.

 

ئەوەی پێویستە بیزانیت: "لەماوەی بانگەشەدا ئێمە تەحەمولی زمانی زبر و قسەی نەشیاومان کرد" سەرۆک بارزانی وای گوت.

 

لەلایەکی دیکەوە: سەرۆک بارزانی، گوتی: دوای هەڵبژاردن نابێت ئەم فەوزایە لە کوردستان بمێنێت، خواستی خەڵکی کوردستانیش دەبێتە بەرنامەی کاری کابینەی داهاتوو.

 

زانیاریی زیاتر: ئەمڕۆ کۆتا ڕۆژی هەڵمەتی بانگەشەی هەڵبژاردن بوو و بۆ ماوەی 20 ڕۆژ بەردەوام بوو و کاتژمـێر 12ی ئەمشەو کۆتایی دێت، واتە پێنج ڕۆژ پێش هەڵبژاردنی گشتی کە بڕیارە 20ی ئەم مانگە بکرێت.