سەرۆک بارزانی وەڵامی لایەنەکان دەداتەوە: ناتوانن

ئاڤا نیوز

 

سەرۆک بارزانی لە دوایین و گەورەترین کەرنەڤاڵی پارتی لە هەولێر وەڵامی دروشمی لایەنەکانی دایەوە و ڕایگەیاند: تەمەنام دەکرد درووشمی لایەنەکان کێبڕکێکردن بووایە لەگەڵ پارتی.

 

وێنە گەورەکە: ئەمڕۆ سێشەممە 15-10-2024، بە ئامادەبوونی سەرۆک بارزانی و هەردوو جێگرانی سەرۆکی پارتی نێچیرڤان بارزانی و مەسرور بارزانی، گەورەترین و دوایین کەرنەڤاڵی بانگەشەی هەڵبژاردنی پارتی لە یاریگای فرانسۆ هەریری بە بەبەشداریی دەیان هەزار کەس بەڕێوچوو.

 

لێدوانی فەرمی: سەرۆک بارزانی لە کەرنەڤاڵی پارتی لە هەولێر دوایین پەیامی پارتی پێشکەشکرد و وەڵامی دروشمی لایەنەکانی دایەوە و گوتی: بەداخەوە لایەنەکان دروشمی تێکدان و ڕووخاندنیان هەڵگرتووە، تەمەنام دەکرد دروشمی لایەنەکانی دیکە کێبڕکێکردن بووایە لەگەڵ پارتی بۆ پرۆژەی باشتر و پێکەوەژیان و حکومڕانییەکی باشتر، بەڵام دروشمی هەندێک لایەن کە تێکدان و دەرکردنە، خۆشیان دەزانن ناتوانن".

 

لەلایەکی دیکەوە: سەرۆک بارزانی پەیامێکی ئاراستەی لایەنەکان کرد و گوتی: "قسەی گەورە ئاسانە، پارتی حیزبی کردارە نەک قسە و خەون بە ڕووخاندنی پارتییەوە مەبینن. سەرۆک بارزانی گوتیشی: "بیر لەوە مەکەنەوە بە دژایەتیکردنی پارتی شتتان دەستکەوێت، ئەوەی بە دۆستایەتی لەگەڵ پارتی دەستتان دەکەوێت، بە ژیانتان بە دژایەتی پارتی دەستتان ناکەوێت".