پارتی داوای لێبوردن لە دەیان هەزار کەس دەکات

ئاڤا نیوز 

 

لیژنەی باڵای پارتی بۆ هەڵبژاردن لەبارەی کەرنەڤاڵەکەی هەولێر داوای لێبوردن لە بەشێکی لایەنگری دەکات کە بەهۆی نەمانی شوێن نەیاتوانیوە بچنە نێو یاریگای فەرەنسۆ هەریری و بەشداری لە کەرنەڤاڵە گەورەکەی پارتی بکەن. 

 

وێنە گەورەكە: ئەمڕۆ لە شاری هەولێر، لە دوایین ڕۆژی بانگەشەی هەڵبژاردنی پەرلەمانی كوردستاندا، پارتی دیموكراتی كوردستان گەورەترین كەرنەڤاڵی خۆی لە یاریگای فەرەنسۆ هەریری لە شاری هەولێر، بە ئامادەبوونی سەرۆک بارزانی و هەردوو جێگری سەرۆكی پارتی نێچیرڤان بارزانی و مەسرور بارزانی و بە بەشداریی  دەیان هەزار كەس ساز كرد.

 

ڕاگەیێنراوی فەرمی: لیژنەی باڵای پارتی بۆ هەڵبژاردن ڕایگەیاند: "بەھۆی ئامادەبوونی ژمارەیەکی زۆر و فراوانی جەماوەری بەئەمەک و دڵسۆزی پارتیمان لەناو یاریگای شەھید فەرەنسۆ ھەریری، داوای لێبووردن لەو دەیان ھەزار ئەندام و لایەنگرە خۆشەویستانەمان دەکەین کە بەھۆی زۆریی بەشداربووان، دەرفەتیان بۆ نەڕەخسا و لە دەرەوەی یاریگا مانەوە و نەیانتوانی بێنە ناو یاریگا".

 

زانیاریی زیاتر: پارتی سەرەتای بانگەشەی هەڵبژاردنی بە ئاهەنگێک و گوتارێكی سەرۆک بارزانی لە شاری هەولێر دەستپێكرد و دوای 20 ڕۆژ بە كەرنەڤاڵێكی گەورە كۆتایی پێهێنا، بەهەمانشێوە سەرۆک بارزانی گوتارێكی كاریگەری پێشكەش كرد و چەند پەیامێكی ئاراستەی جەماوەری پارتی و لایەنە سیاسییەكان كرد.