نێچیرڤان بارزانی گەیشتە ئەنقەرە

ئاڤا نیوز

 

نێچیرڤان بارزانی، سەرۆکی هەرێمی کوردستان بە سەردانێکی فەرمی گەیشتە ئەنقەرە و بڕیارە دوانیوەڕۆی ئەمڕۆ لەگەڵ ڕەجەب تەیب ئەردۆغان، سەرۆککۆماری تورکیا کۆببێتەوە.

 

زانیاریی بەدەستهاتوو: بەگوێرەی پرۆگرامی سەرۆکایەتیی کۆماری تورکیا، کاتژمێر 02:00ـی پاشنیوەڕۆی چوارشەممە 16-10-2024 نێچیرڤان بارزانی لەلایەن ڕەجەب تەیب ئەردۆغان، سەرۆککۆماری تورکیاوە پێشوازیی لێ دەکرێت، هاوکات کاتژمێر 04:00ـی ئێوارەش پێشوازی لە ئەحمەد ئەبو غەیت، ئەمینداری گشتیی کۆمکاری عەرەبی دەکات.

 

 زانیاریی زیاتر: دوای گەیشتنی بە ئەنقەرە، نێچیرڤان بارزانی، سەرۆکی هەرێمی کوردستان لەگەڵ هاکان فیدان، وەزیری دەرەوەی تورکیا و ئیبراهم کاڵن، بەرپرسی دەزگای میتیش کۆبووەوە.

 

لێدوانی فەرمی: دڵشاد شەهاب، گوته‌بێژى سه‌رۆكايه‌تيى هه‌رێمى كوردستان لەبارەی سەردانەکی سەرۆکی هەرێمی کوردستان ڕایگەیاند: نێچیرڤان بارزانی و ڕەجەب تەیب ئەردۆغان بره‌ودان به‌ په‌يوه‌ندييه‌كانى توركيا له‌گه‌ڵ عێراق و هه‌رێمى كوردستان و نوێترین پێشهاته‌كانى ناوچه‌كه‌ تاوتوێ ده‌كه‌ن.

 

باکگراوند: ئەم سەردانەی نێچیرڤان بارزانی بۆ تورکیای دوای ئەوە دێت کە دوای 13ساڵ بۆ جاری یەکەم ئەردۆغان لە 02-04-2024 سەردانی هەولێری کرد لەگەڵ بەپرسە باڵاکانی هەرێمی کوردستان کۆبووەوە.