عێراق بەشی ساڵێک گەنم بۆ لوبنان دەنێرێت

ئاڤا نیوز

حکومەتی عێراق بەردەوامە لە ڕەوانەکردنی هاوکاریی بۆ لوبنان, لە نوێترین هەنگاودا 200 هەزار تۆن گەنم ڕەوانەی ئەو وڵاتە دەکات،  پێداویستی هاووڵاتیانی لوبنان بۆ نان بۆ ماوەی ساڵێک گەرەنتی دەکات.

وێنە گەورەکە:  هێرش و لەشکرکێشی ئیسرائیل بۆ سەر باشووری لوبنان بەردەوامە، لە چەند هەفتەی ڕابردووشدا بەردەوامیی شەڕ ملیۆنێک و 100 هەزار لوبنانی ئاوارە کردووە.

لێدوانی فەرمی: ئەمین سەلام، وەزیری ئابووریی لوبنان بە ئاژانسی هەواڵی عێراقی ڕاگەیاندووە، عێراق 200 هەزار تۆن گەنمی ڕەوانەی لوبنان کردووە، ئەوەش پێداویستیی وڵاتەکە بۆ گەنم، لەنێوان هەشت مانگ بۆ ساڵێک دابین دەکات.