ماڵی بنیامین نەتانیاهۆ بە درۆن کرایە ئامانج

ئاڤا نیوز

 

ماڵی بنیامین نەتانیاهۆ، سەرۆکوەزیرانی ئیسرائیل بە درۆنێک کە لە لوبنانەوە ئاراستە کرابوو کرایە ئامانج.

 

ڕاگەیێندراوی فەرمی: نووسینگەی تایبەتی بنیامین نەتەنیاهۆ، سەرۆکوەزیرانی ئیسرائیل بڵاویکردەوە، بەرەبەیانی ئەمڕۆ ماڵەکەی نەتانیاهۆ لە ناوچەی قەیسەرییە 'کەیساریا' بە درۆنێک کە لە لوبنانەوە ئاراستە کرابوو، کرایە ئامانج.

 

زانیاریی بەدەستهاتوو: بنیامین نەتانیاهۆ و سارای خێزانی لەکاتی هێرشە درۆنییەکەدا لە ماڵ نەبوون، هاوکات هێرشەکە زیانی گیانی لێنەکەوتووەتەوە.

 

ئەمەش بزانە: دوو درۆنی دیکە کە لە لوبنانەوە ئاراستە کرابوون لەلایەن سیستمی بەرگری ئاسمانیی ئیسرائیلەوە خرانە خوارەوە.