شایستەی دارایی مامۆستایانی گرێبەست دابەشدەکرێت

ئاڤا نیوز 

مامۆستایانی گرێبەست یەکەم مووچەی بە گرێبەست بوونی مانگی نۆیان وەردەگرن، شایستەی دارایی دوو مانگی وانەبێژیش لە مانگی داهاتوو دابەش دەکرێت.

 
وێنە گەورەکە: ڕۆژی سێشەممە 22-10-2024 لەگەڵ مووچەی وەزارەتی پەروەردە، مووچەی 37 هەزار و 933 مامۆستای گرێبەست لەسەر ئاستی پەروەردەکانی 'هەولێر، سلێمانی، دهۆک، گەرمیان، هەڵەبجە، زاخۆ، سۆران و ڕاپەڕین ' دابەش دەکرێت.

 

زانیاریی بەدەستهاتوو: مامۆستایانی گرێبەست لە دوایین قۆناغی مامەڵەی گرێبەستبووندان لە پەروەردەکان، دوای تەواوبوونیان ڕاستەخۆ لە بانکەکان بایۆمەتەری و UPN یان بۆ دەکرێت.

 
لەلایەکی دیکەوە: پێشتر ئالان حەمەسەعید، وەزیری پەروەردە بە ئاڤا نیوزی گوتبوو، دوای دابەشکردنی مووچەی مانگی نۆ، لە مانگی 11 دا شایستەی دارایی هەردوو مانگ بەیەکەوە وەردەگرن.